ബ്രെക്​സിറ്റ്​: ടാറ്റക്ക്​ ഒാഹരി വിപണിയിൽ 30,000 കോടിയുടെ നഷ്​ടം

മുംബൈ: യൂറോപ്യൻ യൂനിയനിൽ നിന്ന്​ പുറത്തുപോകാൻ ബ്രിട്ടൻ ഹിതപരിശോധനയിൽ തീരുമാനിച്ചതിന്​ പിന്നാലെ ഇന്ത്യൻ വിപണയിൽ ടാറ്റ ഗ്രൂപ്പി​െൻറ ഒാഹരി വിലകൾ ഇടിഞ്ഞു​. ബ്രിട്ടനിൽ നിരവധി തൊഴിലാളികളും  വിദേശ നിക്ഷേപവുമുള്ള ടാറ്റ ഗ്രൂപ്പിന്​ ഹിതപരിശോധനാ ഫലം വന്ന ദിവസം തന്നെ  30,000 ​​േകാടി രൂപയുടെ നഷ്​ടമാണ്​ ഒാഹരി വിപണിയിൽ നേരിട്ടത്​. ടാറ്റ മോ​േട്ടാഴ്​സി​െൻറ ഒാഹരി വിലയിൽ എട്ട്​ ശതമാനവും  ടാറ്റ സ്​റ്റീലി​െൻറയും à´Ÿà´¿.സി.എസി​െൻറയും  ഒാഹരിയിയിൽ ആറ്​, മൂന്ന്​ ശതമാനം വീതവും ഇടിവ്​ രേഖപ്പെടുത്തി. ബ്രിട്ടനിലെ പ്രവർത്തനം പുന:പരിശോധിക്കാനും  ടാറ്റ ഗ്രൂപ്പ്​ ആലോചിക്കുന്നുണ്ട്.ടാറ്റ ​ഗ്രൂപ്പി​െൻറ 19 കമ്പനികളിലായി 60,000 ൽ അധികം ​തൊഴിലാളികളാണ്​ ​ ബ്രിട്ടനിൽ ജോലിചെയ്യുന്നത്​. 1907 ൽ ബ്രിട്ടനിൽ പ്രവർത്തനം ആരംഭിച്ച ടാറ്റ ഗ്രൂപ്പ്​ ടെറ്റ്​ലി, ജഗ്വാർ ലാൻഡ്​ റോവർ, കോറസ്​–ടാറ്റ സ്​റ്റീൽ, സെൻറ്​ ജെയിംസ്​ കോർട്ട്​ ഹോട്ടൽ, ബ്രണ്ണർ മോണ്ട്​ എന്നീ കമ്പനികളെ ഏറ്റെടുത്തതിലൂടെ ബ്രിട്ടനിലെ സാന്നിധ്യം വർധിപ്പിച്ചു. പുതിയ സാഹചര്യത്തിൽ ഒാരോ ​കമ്പനിയും പ്രവർത്തനവും തന്ത്രങ്ങളും പുന:പരിശോധിക്കുമെന്നും, യൂറോപ്യൻ യൂനിയൻ രാജ്യങ്ങളിലെ വിപണികളിലേക്കുള്ള ​പ്രവേശത്തിനും വിദഗ്​ധ തൊഴിലാളികളെ ലഭിക്കുന്നതിനുമാണ്​ ​പ്രഥമ പരിഗണനയെന്നും ടാറ്റ ഗ്രൂപ്പ്​ അറിയിച്ചു.നിലവിൽ ബ്രിട്ടനിൽ കേന്ദ്രീകരിച്ചാണ്​ ടാറ്റ യൂറോപ്യൻ വിപണിയിൽ ഇടപെട്ടിരുന്നത്​. ജഗ്വാർ ലാൻഡ്​ റോവറും à´Ÿà´¿.സി.എസുമാണ്​ വരുമാനത്തിൽ മുന്നിൽ. 2008 ൽ ടാറ്റ ഏ​റ്റെടുത്ത ജഗ്വാർ ലാൻഡ്​ റോവറാണ്​ ടാറ്റ മോ​േട്ടാഴ്​സി​െൻറ ലാഭവിഹിതത്തിൽ 90 ശതമാനവും സംഭാവന ചെയ്യുന്നത്​.  പുറത്തു നിന്ന്​ യൂറോപ്യൻ യൂനിയൻ രാജ്യങ്ങളിൽ വിൽക്കുന്ന വാഹനങ്ങൾക്കും ഇറക്കുമതി ചെയ്യുന്ന വാഹന ഭാഗങ്ങൾക്കുമുള്ള അധിക നികുതി ടാറ്റക്ക്​ ബാധ്യതയാകും. അതേസമയം വാഹന വിപണി ശക്​തിപ്പെടുത്താൻ ബ്രിട്ടീഷ്​ സർക്കാർ നൽകുന്ന സഹായം ടാറ്റക്ക്​ ഗുണംചെയ്യുമെന്നും വിലയിരുത്തലുണ്ട്​.