ഉപയോക്താക്കളുടെ സൗകര്യം മെച്ചപ്പെടുത്തുന്നതിനും കാര്‍ഡ് ഇടപാടുകളുടെ സുരക്ഷ വര്‍ദ്ധിപ്പിക്കുന്നതിനുമായി ക്രെഡിറ്റ്, ഡെബിറ്റ് കാര്‍ഡുകള്‍ക്കായി റിസര്‍വ് ബാങ്ക് ബുധനാഴ്ച പുതിയ നിയമങ്ങള്‍ പുറത്തിറക്കി. കാലങ്ങളായി കാര്‍ഡുകളിലൂടെയുള്ള ഇടപാടുകളുടെ എണ്ണവും മൂല്യവും പലമടങ്ങ് വര്‍ദ്ധിച്ചതായും ബാങ്ക് അറിയിപ്പില്‍ വ്യക്തമാക്കി. പേയ്‌മെന്റ് ആന്‍ഡ് സെറ്റില്‍മെന്റ് സിസ്റ്റംസ് ആക്റ്റ്, 2007 (2007 ലെ ആക്റ്റ് 51) ലെ സെക്ഷന്‍ 10 (2) പ്രകാരമാണ് നിര്‍ദ്ദേശങ്ങള്‍ പുറപ്പെടുവിച്ചിരിക്കുന്നത്. 2020 മാര്‍ച്ച്‌ 16 മുതല്‍ പുതിയ നിയമം പ്രാബല്യത്തില്‍ വരും. പുതിയ നിയമം അനുസരിച്ച്‌ കാര്‍ഡ് ഇഷ്യു / റീ ഇഷ്യു ചെയ്യുന്ന സമയത്ത് ഇന്ത്യയിലെ എടിഎമ്മുകളിലും പോസ് ടെര്‍മിനലുകളിലും ആഭ്യന്തര കാര്‍ഡ് ഇടപാടുകള്‍ മാത്രം അനുവദിക്കണമെന്ന് സെന്‍ട്രല്‍ ബാങ്ക് ബാങ്കുകളോട് ആവശ്യപ്പെട്ടു. അന്താരാഷ്ട്ര ഇടപാടുകള്‍, ഓണ്‍ലൈന്‍ ഇടപാടുകള്‍, കാര്‍ഡ് നിലവിലില്ലാത്ത ഇടപാടുകള്‍, കോണ്‍ടാക്റ്റ്ലെസ് ഇടപാടുകള്‍ എന്നിവയ്ക്കായി, ഉപയോക്താക്കള്‍ അവരുടെ കാര്‍ഡില്‍ പ്രത്യേകമായി സേവനങ്ങള്‍ സജ്ജീകരിക്കേണ്ടതുണ്ട്. ഈ സവിശേഷതകള്‍ പ്രവര്‍ത്തനരഹിതമാക്കണോ എന്ന് പഴയ കാര്‍ഡുള്ളവര്‍ക്ക് തീരുമാനിക്കാം.

                                            നിലവിലുള്ള കാര്‍ഡുകള്‍ക്കായി, അന്താരാഷ്ട്ര ഇടപാടുകള്‍, കോണ്‍ടാക്റ്റ് രഹിത ഇടപാട് അവകാശങ്ങള്‍ എന്നിവ പ്രവര്‍ത്തനരഹിതമാക്കണോ എന്ന് ഇഷ്യു ചെയ്യുന്നവര്‍ക്ക് അവരുടെ റിസ്ക് ധാരണയെ അടിസ്ഥാനമാക്കി തീരുമാനമെടുക്കാം. മൊബൈല്‍ ആപ്ലിക്കേഷന്‍ / ഇന്‍റര്‍നെറ്റ് ബാങ്കിംഗ് / എടിഎമ്മുകള്‍ / ഇന്ററാക്ടീവ് വോയ്സ് റെസ്പോണ്‍സ് (ഐവിആര്‍) തുടങ്ങിയവ വഴി ഉപയോക്താക്കള്‍ക്ക് 24 മണിക്കൂറും സേവനങ്ങള്‍ ലഭ്യമാണ്. നിര്‍ബന്ധമല്ലവിജ്ഞാപന പ്രകാരം പ്രീപെയ്ഡ് ഗിഫ്റ്റ് കാര്‍ഡുകള്‍ക്കും മാസ് ട്രാന്‍സിറ്റ് സിസ്റ്റങ്ങളില്‍ ഉപയോഗിക്കുന്നവര്‍ക്കും വ്യവസ്ഥകള്‍ നിര്‍ബന്ധമല്ലെന്നതും ശ്രദ്ധേയമായ കാര്യമാണ്.