പുതിയ രാഷ്​ട്രമാകാന്‍ ബൂഗെന്‍വില്‍

പാപ്വന്യൂഗിനിയില്‍നിന്ന്​ സ്വാതന്ത്ര്യം നേടി സ്വതന്ത്രരാജ്യമാകാനുള്ള ബൂഗെന്‍വില്‍ ജനതയുടെ 20 കൊല്ലമായുള്ള സ്വപ്​നം സാക്ഷാത്​കാരത്തിലേക്ക്​​. സ്വതന്ത്രരാജ്യമാകാന്‍ നടത്തിയ ഹിതപരിശോധനയില്‍98 ശതമാനവും അനുകൂലമായി വോട്ട്​ ചെയ്​തു. ​നവംബര്‍ 23ന്​ തുടങ്ങിയ വോ​ട്ടെടുപ്പ്​ ഡിസംബര്‍ ഏഴിനാണ്​ അവസാനിച്ചത്​. ഫലം പാപ്വന്യൂഗിനി സര്‍ക്കാര്‍ അംഗീകരിച്ചാല്‍ ബൂഗെന്‍വില്‍ ലോകത്തെ ഏറ്റവും പുതിയ രാജ്യമായി മാറും. ആകെ ജനസംഖ്യ-2,49,358(രണ്ട​​ുലക്ഷത്തോളം പേര്‍ക്കാണ്​ വോട്ടവകാശം)
അനുകൂലിച്ചത്​ 1,76,928 പേര്‍
എതിര്‍ത്തത്​ 3,043 പേര്‍ ബൂഗെന്‍വില്‍
ഫ്രഞ്ച്​ സഞ്ചാരിയായ ലൂയിസ്​ ആന്‍റണി ഡി ബൂഗെ​ന്‍വില്‍ ആണ്​ ദ്വീപിന്​ പേരിട്ടത്​. 19ാം നൂറ്റാണ്ടില്‍ ജര്‍മനിയുടെ കോളനിയായിരുന്നു. രണ്ടാംലോകയുദ്ധകാലത്ത്​ ജപ്പാന്‍ സൈനിക താവളമായും ഉപയോഗിച്ചു. പിന്നീട്​ ആസ്​ട്രേലിയക്കായി ആധിപത്യം. 1975 വരെ അതു തുടര്‍ന്നു. 1975ല്‍ പാപ്വന്യൂഗിനിക്ക്​ സ്വാതന്ത്ര്യം ലഭിച്ചപ്പോള്‍ ബൂഗെ​ന്‍വില്‍ അവരുടെ കോളനിയായി. തലസ്ഥാനം: ബുക. ഭാവി തലസ്ഥാനം അരവ. വിസ്​തൃതി: 9,384ച.കി.മീ പ്രാദേശിക ഭാഷകള്‍: ടോക്​ പിസിന്‍, പാപ്വന്യൂഗിനിയന്‍, പിഡ്​ഗിന്‍ ഇംഗ്ലീഷ്​. കൂടാതെ 19 തദ്ദേശീയമായ ഭാഷകളും​. സ്വാതന്ത്ര്യപ്പോരാട്ടം: പാപ്വന്യൂഗിനി സ്വതന്ത്രമാവുന്നതി​നു മു​േമ്ബ നോര്‍ത്ത്​ സോളമന്‍സ്​ എന്ന പേരില്‍ ബൂഗെ​ന്‍വില്‍ ജനത ആവശ്യമുന്നയിരിച്ചിരുന്നു. ആസ്​ട്രേലിയയും പാപ്വന്യൂഗിനിയും ആവശ്യം തള്ളി. പിന്നീട്​ പാപ്വന്യൂഗിനി സ്വതന്ത്രമായതോടെ ആവശ്യം വീണ്ടും ശക്തമായി.1989ല്‍ സ്വതന്ത്രരാജ്യത്തിനായി ബൂഗെന്‍വില്‍ വിമതരും പാപ്വന്യൂഗിനി സൈന്യവും തമ്മില്‍ തുടങ്ങിയ ആഭ്യന്തരയുദ്ധം 1998ലാണ്​ അവസാനിച്ചത്​.
ആഭ്യന്തരയുദ്ധത്തില്‍ 20,000പേര്‍ കൊല്ലപ്പെട്ടു. രണ്ടാം ലോകയുദ്ധത്തിനു ശേഷം ശാന്തസമുദ്രത്തിലെ ദ്വീപരാഷ്​ട്രങ്ങള്‍ക്കിടയിലുണ്ടായ ഏറ്റവും വലിയ കലാപമായിരുന്നു ഇത്​.1997ല്‍യുദ്ധം അവസാനിച്ചു. 2005ല്‍ സ്വയംഭരണ ബൂഗെന്‍വില്‍ സര്‍ക്കാര്‍ നിലവില്‍ വന്നു. സ്വാതന്ത്ര്യത്തിനായി ഹിതപരിശോധന നടത്തുമെന്ന്​ സര്‍ക്കാര്‍ ജനങ്ങള്‍ക്ക്​ നല്‍കിയ വാഗ്​ദാനമാണ്​ പാലിച്ചത്​. അക്ഷയഖനി: ചെമ്ബി​​െന്‍റയും സ്വര്‍ണത്തി​​െന്‍റയും വന്‍ ശേഖരമുണ്ട്​. 1969ല്‍ ബൂഗെന്‍വില്‍ കോപ്പര്‍ ലിമിറ്റഡ്​ കൂറ്റന്‍ ചെമ്ബ്​ ഖനി തുറന്നു. റിയോ ടി​േന്‍റാ എന്ന ഭീമന്‍ കമ്ബനിയുടെ സഹസ്ഥാപനമാണിത്​. 1989ലെ ആഭ്യന്തരയുദ്ധത്തെ തുടര്‍ന്ന്​ ഖനിയില്‍നിന്ന്​ ലഭിച്ചിരുന്ന ലാഭവിഹിതം റിയോ ടി​േന്‍റാക്ക്​ ഉപേക്ഷിക്കേണ്ടിവന്നു. ആഗോളതലത്തില്‍ ചെമ്ബ്​ ഉല്‍പാദനത്തി​​െന്‍റ കയറ്റുമതി ഇനത്തില്‍ നല്ലൊരു പങ്ക്​ അപ്പോഴേക്കും കൈപ്പറ്റിയിരുന്നു ഈ കമ്ബനി. ആകെ രാജ്യങ്ങള്‍: ലോകത്ത്​ 195രാജ്യങ്ങള്‍ നിലവിലുണ്ട്​. ഇതില്‍ 193 എണ്ണത്തിനാണ്​ യു.എന്‍ അംഗീകാരമുള്ളത്​.ഫലസ്​തീനും ഹോളി സീയുമാണ്​ യു.എന്‍ നിരീക്ഷണ രാജ്യങ്ങള്‍.അവസാനമായി യു.എന്‍ അംഗത്വം ലഭിച്ചത്​ ദക്ഷിണ സുഡാന്‍ ആണ്. 193ാമത്​ രാജ്യമായാണ്​ ദക്ഷിണ സുഡാന്‍ യു.എന്‍ അംഗത്വം എടുത്തത്​.