സ്വദേശിവത്​കരണം ശക്​തം; യൂനിയന്‍ കോപ്പില്‍ 37 ശതമാനം ജീവനക്കാരും ഇമറാത്തികള്‍

ദുബൈ: യു.എ.ഇയിലെ മുന്‍നിര ഉപഭോക്​തൃ സഹകരണ പ്രസ്​ഥാനമായ യൂനിയന്‍ കോപ്പില്‍ സ്വദേശിവത്​കരണം ശക്​തമായ രീതിയില്‍ മുന്നേറുന്നു. ജീവനക്കാരില്‍ 37 ശതമാനം ഇമറാത്തികളാണിപ്പോള്‍. മുന്‍വര്‍ഷത്തെ അപേക്ഷിച്ച്‌​ 30 ശതമാനം വര്‍ധനവാണിത്​. 423 സ്വദേശി ജീവനക്കാരും 725 പ്രവാസി ജീവനക്കാരുമാണ്​ സ്​ഥാപനത്തിലുള്ളത്​. സ്വദേശിവത്​കരണത്തിന്​ മുന്‍ഗണന നല്‍കണമെന്ന യു.എ.ഇ ഭരണകൂടത്തി​​​െന്‍റ നിര്‍ദേശത്തിന്​ ചുവടുപിടിച്ചാണ്​ യൂനിയന്‍കോപ്പ്​ അതിവേഗം ഇമറാത്തി ജീവനക്കാരെ തങ്ങളുടെ തൊഴില്‍ സേനയില്‍ ഉള്‍ക്കൊള്ളിച്ചത്​. ദുബൈ 2021 പ്ലാനി​​​െന്‍റ ഭാഗമായി സ്വകാര്യമേഖലയില്‍ യു.എ.ഇ സ്വദേശികള്‍ക്ക്​ പ്രാമുഖ്യം നല്‍കാനുള്ള യൂനിയന്‍ കോപ്പി​​​െന്‍റ നിതാന്ത പരി​്ശ്രമത്തി​​​െന്‍റ ഫലമാണിതെന്ന്​ യൂനിയന്‍ കോപ്പ്​ സി.ഇ.ഒ ഖാലിദ്​ ഹുമൈദ്​ ബിന്‍ ദിബാന്‍ അല്‍ ഫലാസി വ്യക്​തമാക്കി. സ്വകാര്യമേഖലയില്‍ ഇമറാത്തിവത്​കരണം സാധ്യമാക്കുന്നതിന്​ സഹകരണമേഖലക്ക്​ വലിയ പങ്കുവഹിക്കാനാവും. പഴയ സഹകരണ നിയമം അടിസ്​ഥാനമാക്കിയാണ്​ സഹകരണ ഉപഭോക്​തൃ പ്രസ്​ഥാനങ്ങള്‍ പ്രവര്‍ത്തിക്കുന്നത്​ എന്നതിനാല്‍ പല വെല്ലുവിളികളുമുണ്ട്​. ജനറല്‍ പെന്‍ഷന്‍, സാമൂഹിക സുരക്ഷാ നിബന്ധനകള്‍ തുടങ്ങിയ വ്യവസ്​ഥകളില്‍ പരിഷ്​കരണം വരുത്തുന്നത്​ സ്വകാര്യമേഖലയില്‍ സ്വദേശിവത്​കരണം പ്രോത്​സാഹിപ്പിക്കാന്‍ കൂടുതല്‍ കരുത്തുപകരും. ഒരു മുദ്രാവാക്യമായല്ല മറിച്ച്‌​ ദേശീയ ദൗത്യം എന്ന നിലയിലാണ്​ യൂനിയന്‍ കോപ്പ്​ സ്വദേശിവത്​കരണം നടപ്പാക്കുന്നതെന്ന്​ ഫലാസി വ്യക്​തമാക്കി. എല്ലാ ദേശീയ സ്​ഥാപനങ്ങളും ഇതിനു പ്രാമുഖ്യം നല്‍കണം. സാമ്ബത്തിക പ്രവര്‍ത്തനം മാത്രമല്ല, ഇത്തരം ദേശീയ ദൗത്യങ്ങളും പ്രകടനമികവി​​​െന്‍റ മാനദണ്​ഡമായി എണ്ണപ്പെടണമെന്നുംഅദ്ദേഹം കൂട്ടിച്ചേര്‍ത്തു.